بحبك وانتي عجباني
ياسكنة عقلي وكياني
ياوخداني
في حضنك انا بعيش مجنون
وأيه في الكون
يساوي نظرتك ليا
ياملكه كل ما فيا
بحنيه
وفكراني بلف وأشوف
وعايش في الهوي مخطوف
ومش ملهوف
غير اني اشوف هواك فيا
بحبك وأنتي عجباني وأيه تاني
يزود لهفتك ليا
ياجنيه معديه
في جوه الذكرة ولبكره
وعلي فكرة
أنا كلمه بضحكتها
أنا الدمعه في لحظتها
وأنا اللمسه وأنا الهمسه
ومش خايف أكون شفاف
أطير في لحظتي ريشه
ادوب في هواكي ياحبيبة
ومش عيبه ولا خيبه
اكون عاشق هواك لحظه
ياسكنة حبي بالفطرة
ومش عيبه ولا خيبه
أكون مملوك لأم حنون
لاتعرف خيبه ولا غيبه
بحبك وأنتي عجباني وأقول تاني
أنا العاقل في قلبي جنان
صابر والجروح الحان
ياسمره والسمار الوان
ياسكنه الدم والنن
ولكني
بعيش اوهام
ومش تعبان
ولا زعلان ولا كسلان ولا مطنش
وكفايه في هواك ألطش
وكله يهون
ياقاعدة فوق حدود الكون
بحبك وأنتي عجباني وأقول تاني
واه ياني
بحبك وأنتي عجباني
ياملكاني في عنواني
بحبك وانتي عجباني
كلمات الشاعر السكندري
عماد فهمي